३२ जेठ, बारा । रामराजा बहुमुखी क्याम्पस, कलैयाका प्रमुख हरिभुषण कुशवाहामाथि गोली प्रहार भएको छ ।
बाराको आदर्शकोतवाल गाउँपालिका वडा नं. २ निवासी ४५ बर्षिय हरिभुषण कुशवाहाकाे उपचारकाे क्रममा मृत्यु भएकाे प्रहरीले जनाएकाे छ । रामराजा मोहन विक्रम साह बहुमुखी क्याम्पस कलैयाका प्रमुख समेत रहेका कुशवाहामाथि शुक्रबार सांझ अज्ञात समुहले गोली प्रहार गरेकाे जिल्ला प्रहरी कार्यालय बाराका प्रवक्ता प्रहरी नायब उपरिक्षक दधिराम न्याैपानेले वताए ।
गाेली लागेर गम्भिर घाइते भएका कुशवाहाकाे वीरगंजस्थित नेपाल मेडिसिटी बयाेधा अस्पताल उपचारकाे लागि लगिएकाे थियाे । ढाड र पिठयुमा गोली लागि गम्भिर घाइते कुशवाहाको उपचारकाे क्रममा मृत्यु भएकाे अस्पतालले जनाएकाे छ ।
क्याम्पस प्रमुख कुशवाहको थप उपचारकाे लागि काठमाडाैं लग्ने तयारी गरिएकाे थियाे । घटनामा संलग्न रहेकाे अशंकामा प्रहरी एक जनालाई नियन्त्रणमा समेत लिएकाे छ । शंकास्पद एक जनालाई नियन्त्रणमा लिएर घटना बारे अनुसन्धान भइरहेकाे बारा प्रहरीका प्रवक्ता डिएसपी न्याैपानेले वताए । यस अघि पनि बारामा अज्ञात समुहकाे गाेली प्रहारबाट एक जना प्रिन्सपलकाे मृत्यु भएकाे थियाे ।