HamroNepalDainik.com
अन्तराष्ट्रियसमाचारस्थानिय

चक्कु प्रहार गरी इ रिक्सा चालककाे हत्या : बीरगन्जका अटाे चालकहरू आन्दोलित

वीरगञ्ज, २ पुस ।  वीरगञ्जमा अटो चलाउँदै आएका एक भारतीय नागरिकको रक्सौलमा हत्या भएपछि अटो चालकहरु आन्दोलित भएका छन् । सहकर्मी हत्याको विरोधमा अटो चलाउन बन्द गरेर उनीहरु आन्दोलित भएका हुन् ।

बिहानैदेखि वीरगञ्जमा अटो नचल्दा सर्वसाधरण यात्रु भने मर्कामा परेका छन् । अटो चालक महम्मद अलीले सहकर्मीको हत्या भएकोले न्यायका लागि दवाव दिन आन्दोलनमा उत्रिएको बताए । ‘साथीको अनाहकमा हत्या भएको छ । भोलि त्यस्तो घटना हामी माथि पनि घट्न सक्छ,’ उनले भने, ‘उनको न्यायका लागि दबाव दिन र शोकमा अटो नचलाउने निर्णयमा पुगेका हौं ।’

भारत मुजफ्फरपुर, जगरनाथपुर थाना मोतिपुर घर भएका २४ वर्षीय सुशिलकुमार साहको बिहीबार दिउँसो हत्या भएको थियो । ना २ ह ३७९७ नम्बरको अटो चलाउँदै आएका उनलाई रक्सौलस्थित एस.एस. बी क्याम्प नजिकै छातीमा छुरा प्रहार गरिएको थियो ।

उपचारका लागि नारायणी अस्पताल ल्याउँदै गर्दा उनको बाटोमा नै मृत्यु भएको आफन्तले जनाएका छन् । वीरगञ्ज–८ गहवास्थित भिनाजु सुरेश साहको घरमा बसेर उनी अटो चलाउँदै आएका थिए ।

रक्सौलस्थित अटो चालक संघका अध्यक्ष समेत रहेका सैदुल्लाह खान भन्ने व्यक्तिले उनीमाथि छुरा प्रहार गरेको आरोप लागेको छ । मृतकका आफन्तले भारतीय प्रहरी समक्ष दिएको उजुरीको आधारमा सैदुल्लाहलाई भारतीय प्रहरीले नियन्त्रणमा लिइसकेको छ । गएराति नै मृतकको शव पोष्टमार्टमका लागि भारत पठाइएको छ ।

जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओम प्रकाश खनालले घटना भारतमा नै भएकोले भारतीय प्रहरीले घटनाबारे थप अनुसन्धान गरिरहेको बताए । ‘नेपाली नम्बरको अटो मात्रै हो, मृतक भारतीय नागरिक हुन्, घटनास्थल भारतमै पर्छ ’ उनले भने, ‘भारतीय प्रहरीले नै अनुसन्धान गरिरहेको छ ।’

रक्सौलमा नेपाली अटो जान स्थानीय प्रहरी प्रशासनले नरोके पनि भारतीय अटो चालकहरुले विरोध जनाउँदै आएका थिए । कहिले टायर काटिदिने त कहिले सिसा फोडिदिने गरेको अटो चालकहरु बताउँछन् । नेपाली नम्बरको ई–रिक्सा भने मितेरी पुलसम्म मात्रै सञ्चालनमा छ । नारायणी ई–रिक्सा संघका अध्यक्ष स्वयब मियाले रक्सौलमा नेपाली अटो जान रोक लगाउनुपर्ने बताए । ‘भारतीय अटो भारतमा चल्छ, नेपाली अटो नेपालमा चल्छ,’ उनले भने, ‘ यताको उता, उताको यता नगर्ने हो भने समस्या नै आउँदैन ।’ साभार yatra daily

Related posts

स्व. पत्रकार सर्राफको परिवारलाई वीरगंज महानगरद्वारा ५ लाख रुपैयाँ आर्थिक सहयोगको घोषणा

hamronepaldainik

थप ३,३८३ जनामा कोरोना संक्रमण पुष्टि, २४ जनाको मृत्यु

hamronepaldainik

मदरसामा पढाउने बहानामा लखनउ लगिएका १८ जना बालबालिकाहरुको उद्दार

hamronepaldainik
HamroNepalDainik