HamroNepalDainik.com
स्थानिय

स्वास्थ्य चौकीहरुलाई अक्सिजन कन्सनट्रेटर सहयाेग

वीरगंज । स्ट्याण्डर्ड चार्टर्ड बैंकको सहयोगमा एक्सनएड नेपाल र दिव्य युवा क्लव पर्साको सहजीकरणमा कोभिड–१९ सङ्क्रमितहरुको उपचार तथा सङ्क्रमण रोकथाम गर्नको लागि पर्साकाे पटेर्वा सुगौली गाउँपालिकाका ५ वटा स्वास्थ्य चौकीहरुलाई अक्सिजन कन्सनट्रेटर सहयाेग गरिएकाे छ ।

दिब्य युवा क्लब पर्साका कार्यकारी निर्देशक रामाकान्त प्रसाद कुर्मीले पटेर्वा सुगौली गाउँपालिकाका निमित प्रमुख प्रशासकिय अधिकृत भुजेन्द्र प्रसाद यादवलाई एक कार्यक्रमकाे बिच साे अक्सिजन कन्सनट्रेटर हस्तान्तरण गरेका हुन् ।

पर्सा जिल्ला कोभिड १९ को संक्रमणको उच्च जोखिममा रहेकोले कोभिडको महामारीको समयमा अक्सिजन कन्सनट्रेटर धेरै नै सहयोग पुग्ने प्रमुख प्रशासकिय अधिकृत यादवले बताए ।

सहयाेग गिरएकाे एउटा अक्सिजन कन्सनट्रेटरको मुल्य रु १ लाख १५ हजार २ सय ५५ रहेको दिव्य युवा क्लबका कार्यकारी निर्देशक कुर्मीले जानकारी दिए ।

अक्सिजन कन्सनट्रेटर हस्तान्तरण कार्यक्रममा पटेर्वा सुगौली गाउँपालिकाका स्वास्थ्य शाखा प्रमुख, शिक्षा शाखा प्रमुख तथा सबै स्वास्थ्य चौकीका प्रमुखहरु लगायत दिब्य युवा क्लबकाे कर्मचारीहरुको उपस्थिती रहेको थियो ।

Related posts

वीरगञ्जको अस्तव्यस्त ट्राफिकलाई व्यवस्थित बनाउन प्रहरीसँगै भोलेन्टियरको सक्रियता

hamronepaldainik

स्वतन्त्र उम्मेदवार जयसवालले दिए चुनावी कार्यक्रममा तिब्रता

hamronepaldainik

भुमिहिन सुकुम्वासी र अव्यवस्थित बसोबास गरेकाहरुको निस्सा वितरण

hamronepaldainik
HamroNepalDainik