बिरगंज पर्सा, ३१ जेष्ठ ।
पर्साको बिन्दबासिनी गाउँपालिकाको पहिलो बोर्डको बैठक मंगलबार बिन्दबासिनी गाउँपालिका कर्यालयको फेसबुक पेजबाट लाईभ गरी सम्पन्न भएको छ । बैठकले गाउँपालिका लाई थप गतिको साथ अघि बढाउनको लागि कुनै कसर बाँकी नराख्ने निर्णय गरेको छ ।
बैठकले गाउँपालिका भित्र रहेको सम्पूर्ण पोखरी अनुगमन गरी ठेक्का सम्झौता गर्नका लागि उपाध्यक्ष ज्योति चौरसियाको संयोजकत्वमा उपसमिति गठन गरेको छ । राजश्व बाटफाँटका र वित्तीय सीमा निर्धारणका लागि विन्दवासिनी गाउँपालिका अध्यक्ष प्रमोद तिवारीको संयोजकत्वमा उपसमिति गठन गरेको छ ।
गाउँपालिका अध्यक्ष प्रमोद तिवारीको अध्यक्षतामा बसेको बैठकले आगामी गर्ने गाउँ सभा र त्यसको आवश्यक तयारीको लागि गठन गर्नुपर्ने उप समितीहरु र अन्य आन्तरिक तयारीको बारेमा समेत बैठकमा गम्भिर छलफल भएको छ ।
बैठकमा गाउँपालिका उपाध्यक्ष ज्योती चौरसिया , वडा अध्यक्ष अच्छेलाल महतो , मुक्ति प्रसाद कुर्मी , जय प्रकाश चौरसिया , अनुज चौरसिया , मोहन राहत अहिर , बोर्ड सदस्य धन मती देवी , रीमा देवी , मुनि देवी , शम्भु प्रसाद चौरसिया , अशोक गुप्ता , प्रमुख प्रशासकिय अधिकृत राजु साह , लेखा अधिकृत मिथलेश कुशवाहा लगायत विभिन्न बिभागका प्रमुखहरुको समेत सहभागिता रहेको थियो ।