HamroNepalDainik.com
समाचारस्थानिय

संविधान दिवसमा वीरगञ्ज कारागारबाट २४ जना कैदी रिहा

वीरगञ्ज । सातौं संविधान दिवस २०७८ को अवसरमा वीरगञ्ज कारागारमा कैदी जीवन विताइरहेका मध्ये २४ जना कैदीबन्दी कारागार मुक्त भएका छन् ।

विभिन्न मुद्दामा जेल जीवन विताइरहेका र आचरण ठीक भएका ३० जनाको कारागार प्रशासनले सिफारिस गरेकोमा राष्ट्रपतिबाट निर्णय भई कैद सजाय मिनहा भएका २४ जना कैदीबन्दीहरुलाई संविधान दिवसको अवसरमा वीरगन्ज कारागारका प्रमुख कृष्ण गैरेले अविर टिका लगाई कारागार मुक्त गरेका हुन् ।

न्यूनतम ५० प्रतिशत कैद भुक्तान गरिसकेका र कारागार बस्दा बखत असल आचरणमा कारागार जीवन विताइरहेका ३० जना कैदीहरुको कैद सजाय मिनाहाको लागि वीरगन्ज कारागारले सिफारिस गरेकोमा राष्ट्रपतिबाट निर्णय भई माफी सजाय मिनहा भएका २४ जना कैदीबन्दीहरुलाई कारागार मुक्त गरिएको वीरगञ्ज कारागार प्रमुख कृष्ण गैरेल जानकारी दिए ।

कारागार मुक्त हुनेहरुमा चोरी मुद्दाका अब्दुलजानी हकिम, राजेश साह कानु, सुनिल सहनी मलाह, सवारी ज्यान मुद्दाका जगतनारायण राउत कुर्मी, धर्मेन्द्र पासवान, जोखु राय थारु, कन्हैया प्रसाद कोइरी भन्ने कन्हैया प्रसाद कुशवाहा, अनुप कुमार रुम्बा, कर्तव्य ज्यान मुद्दाका जमुना भन्ने जमुना माझी, लालबहादुर साह तेली, शिवरतन सहनी मलाह, विनोद कुमार चितैने, मिश्रीलाल राउत अहिर, रोकैया खातुन, अमरुलाह मियाँ, शेष इमामुद्दिन रहेका छन् ।

त्यस्तै, ज्यान मार्ने उद्योग मुद्दाका अजमुद्दिन अन्सारी, ज्यान मुद्दाका जग साह तेली, ढेला भन्ने सुनर पासवान रहेका छन् । यसैगरि डाँका मुद्दाका रमेश मुखिया विन, विष्णु दयाल हजरा दुसाद रहेका छन् भने बहु विवाद मुद्दाका दिलराज चौधरी, नकबजनी चोरी मुद्दाका सरोज चौधरी र महम्मद हुसेन आजाद अन्सारी रहेका छन् ।

कारागारमुक्त हुनेहरु चोरी मुद्दाका कैदी ४ जना, सवारी ज्यान मुद्दाका कैदी ५ जना, कर्तव्य ज्यान मुद्दाका कैदी ७ जना, ज्यान मार्ने उद्योग मुद्दाका कैदी २ जना, डाँका मुद्दाका कैदी २ जना, ज्यान मुद्दाका कैदी १ जना, बहु विवाह मुद्दाका कैदी १ जना तथा नकबजनी चोरी मुद्दाका कैदी २ जना गरि २४ जना कैदी कारागार मुक्त भएका छन् ।

Related posts

वीरगन्ज महानगरमा ई–रिक्साहरु व्यवस्थित नहुँदा दिनहुँ ट्राफिक जामको समस्या

hamronepaldainik

५९ सांसदको समर्थनसहित मुख्यमन्त्रीमा पाण्डेको दाबी

hamronepaldainik

वीरगंजमा पहिलो पटक भव्य ‘रथयात्रा’ निकालियो, हजारौँ भक्तजनको सहभागिता

hamronepaldainik
HamroNepalDainik