५ चैत, बिरगंज । प्राईम कमर्सियल बैंक लिमिटेडले आफ्नो संस्थागत सामाजिक उत्तरदायित्व अन्तर्गत शाखा कार्यालय बिरगंज मार्फत वित्तीय साक्षरता कार्यक्रम सम्पन्न भएको छ ।
जगरनाथपुर गाउपालिका वडा नं ५ , झाकडा मसिहानी स्थित श्री नेपाल राष्ट्रिय माध्यमिक विधालयमा एक दिने वित्तीय साक्षरता कार्यक्रम सम्पन्न गरेको छ । बैंकले व्यवस्थापन संकायका विद्यार्थीहरुलाई सुरक्षित भविष्यको सुनिश्चितता गर्दै सही वित्तीय निर्णयहरू गर्न शिक्षित र सशक्त बनाउने योजनाका साथ यो कार्यक्रमको आयोजना गरेको जनाएको छ ।
उक्त कार्यक्रममा सैकड़ो भन्दा बढी विद्यार्थीहरुको सहभागिता रहेको थियो । बैंकका कर्मचारीद्वारा उक्त कार्यक्रममा सहभागीहरूलाई वित्तीय व्यवस्थापन, बचत र खर्चको व्यवस्थापन, डिजिटल बैंकिङ, डिजिटल बैंकिङमा अपनाउनु पर्ने सर्तकता लगायतका विषयमा साक्षरता प्रदान गरेको बैंकले जनाएको छ ।
प्राईम कमर्सियल बैंक लिमिटेडका मधेश प्रदेश प्रमुख सुर्य प्रसाद तिवारीको अध्यक्षतामा सम्पन्न सो कार्यक्रममा बिरगंज शाखाका शाखा प्रमुख मेघनाथ सोनार,नरेश शर्मा,बैंकका कर्मचारी, शिक्षक लगायतको उपस्थिति रहेको थियो