बारा ११ बैशाख । बजाज कम्पनिको नेपालका लागि आधिकारिक विक्रेता गोल्छा ग्रुपको २५ औं वर्ष पुगेको अवसरमा ग्राहकहरुको लागि आकर्षक उपहारको स्किम ल्याएको छ । २५ औं वर्षको अवसरमा गोल्छा ग्रुपले २५ जना ग्राहकहरुको लागि उपहार दिने स्किम सुचारु गरेको छ ।
हरेक हप्ता ४÷५ जना ग्राहकहरुलाई १ किलो चाँदी उपहार दिन सुरु गरेको जनाईएको छ । एक हप्तामा देशभरबाट बजाजका मोटरसाईकलहरु किनेका ग्राहकहरुमा लक्की ड्र गरी एक किलो चाँदी उपहार दिईरहेको छ । सोही क्रममा आरोही मोटर्स बजाज सोरुम जितपुर बाराबाट गज्जानन सप्लायर्सले बजाज कम्पनिको प्लाटिना मोटरसाईकल खरिद गर्दा सोमबार एक किलो चाँदी परेको आरोही मोटर्स जितपुरका सञ्चालक रोहित तिवारीले बताए ।
उपहार जितेका गज्जानन सप्लायर्स वीरगंजका संचालक अजय गुप्तालाई सोमबार आरोही मोटर्सले उपहार परेकोमा हार्दिक बधाई सहित सम्मान गर्दै एक किलो चाँदी उपहार दिएका छन् । सो अवसरमा गोल्छा ग्रुपका क्षेत्रिय अधिकारी विजय कुमार सिंह, हुलास फाईनान्सका रबिकान्त चौरसिया लगायतको सहभागीता रहेको आरोही मोटर्स जितपुरका सञ्चालक रोहित तिवारीले बताए ।