विन्दवासिनी गा.पा.–३ मा बालविवाह तथा दाईजो प्रथा विरुद्ध जनचेतना मुलक तालिम सम्पन्न

वीरगंज १६ पुस ।
पर्साको विन्दवासिनी गाउँपालिका वडा नं. ३ स्थित नेपाल स्काउट निम्न माध्यमिक विद्यालय ठूलो ईटियाहीमा बालविवाह तथा दाईजो प्रथा विरुद्ध जनचेतना मुलक दुई दिने तालिम सम्पन्न भएको छ ।
विन्दवासिनी गाउँपालिकाको कार्यालय बहुअर्वाभाठाको आयोजनामा भएको तालिममा सहभागी ३७ जना महिलाहरुलाई पिंकी कुशवाहा र विक्रमा कुमार साहले प्रशिक्षण दिएका थिए । कार्यक्रमको अध्यक्षता गर्दै गाउँपालिकाकी उपाध्यक्ष ज्योति चौरसियाले बालविवाह तथा दाईजो प्रथा अन्त्य गर्न सर्वप्रथम आफ्नो घरबाटै सुरुवात गर्न सुझाएकी थिईन ।
कम उमेरमै बालबालिकाको विवाह गर्दा उनिहरुको स्वास्थ्यमा हुन सक्ने र भईरहेको असरहरुको बारेमा चर्चा गर्दै उपाध्यक्ष चौरसियाले दाईजो प्रथा अन्त्य गर्न सबैले आ–आफ्नो घर परिवार र समाजमा सचेतना जगाउनु पर्नेमा जोड दिएकी थिईन ।
तालिममा गाउँपालिकाका वातावरण तथा विपद व्यवस्थापन शाखा प्रमुख रामप्रवेश साह लगायतको सहभागीता रहेको थियो ।