पर्साको अमरपट्टीका बरिष्ठ सई गुरुङ्गले लाखौ नजराना बुझी तस्करी गराउदै

मुकेश चौरसिया
पर्सा २२ कात्तिक ।
आउदो मंसीर ४ गते हुने प्रतिनिधि सभा र प्रदेश सभाको चुनावमा मुलुक अल्झीरहेको बेला मौका छोपी नेपाल प्रहरीको सेटिङ्गमा पर्साको ग्रामिण क्षेत्रहरुबाट खुलेयाम तस्करी भईरहेको समाचार प्राप्त भएको छ ।
पर्साको ग्रामिण नाका अमरपट्टीबाट खुल्लेयाम रुपमा धान,गहुँ , चामल, लत्ताकपडा, हार्डवेयर सुपारी, कष्टमेटिक सामग्री, व्याट्री, किराना सामग्री, भैंसी लगायतका सामग्रीहरुको तस्करी शुरु भएको एउटा भिडियो क्लिप र फोटो बाट प्रमाणित भएको छ । देश अहिले आर्थिक मंदीबाट पनि गुज्रिरहेको छ । अर्थको अभावमा राष्ट्र संचालनमै समस्या देखिएको छ ।
चुनावमा पुरै देश नै होमिएको छ । तर त्यसको मौकाको फाईदा उठाउँदै सो नाकाबाट खुलेयाम राजश्व चुहावट हुने काम भईरहेको छ । अमरपट्टी प्रहरी चौकीका वरिष्ठ सई सम्मर गुरुङ्गले तस्करहरु सँग महिनवारी सेटिङ्ग गरी तस्करीको लाईन दिएको स्थानियहरुले बताएका छन् ।
बरिष्ठ प्रहरी नायब निरिक्षक गुरुङ्गले मासिक लाखौं रुपैया नजराना बुझी तस्करलाई रातीको समयमा पिकअप, ट्रयाक्टर, ठेलागठा, मोटरसाईकल, अटो रिक्सा र साईकलहरुमा कार्टुन भित्र व्याट्री, गाडिहरुमा लत्ताकपडा, सटिङ्गसुटिङ्गको कपडा नेपाल भित्रियाउन दिने गरेको स्थानिय प्रत्यक्षदर्शीले बताएका छन् ।
त्यसैगरी माछा, हार्डवेयर, पाडा, भैसीको तस्करी पनि रातीको समयमा खुल्लेयाम रुपमा हुने गरेको प्रमाण यस अनलाईन सँग सुरक्षित रहेको छ । रातीको करिब ११ बजे देखि बिहान ३ बजे सम्म चौकीकै अगाडिबाट तस्करी हुने गरेको समाचार स्रोतले जनाएको छ ।
प्रहरी चौकीको सामुने दिनहु जसो तस्करहरुले ट्रयाक्टरमा लोड भईरहेको धान, गहुँ,चामल जो कोहीले पनि सहजै देख्न सक्छन् । भिडियो समेत यस अनलाईन सँग सुरक्षित रहेको छ । यो दृश्य हेरेर जो कोहीले पनि सहजै भन्न सक्छन् कि प्रहरीहरु कै लगानीमा तस्करी भईरहेको छ ।
बरिष्ठ प्रहरी नायब निरिक्षक गुरुङ्गको प्रहरी संगठनमा राम्रै पकड भएकोले कसैले केही गर्न नसक्ने हावाला दिदै आएको समाचार स्रोतले जनाएको छ । यस्ता केही प्रहरीहरुको कारणले पूरा संगठन नै बदनाम भइरहेको हुनाले यस गतिविधि तर्फ सम्बन्धित निकायको ध्यान जान अति आवश्यक रहेको देखिएको छ ।