बिरगंज ८ जेठ । बिरगंज महानगरपालिका वडा नम्बर ११ मा जसपाका सम्पूर्ण पैनल बिजय भएको छ । जसपा पार्टिबाट वडा ११ बाट अध्यक्षपदमा उम्मेदवारी दिएका अजय चौरसिया विजयी भएका छन् ।
बिरगंज महानगरपालिका वडा नम्बर ११ मा एमालेको गढ रहेको श्रीपुरमा यसपालि जसपाले आफ्नो झण्डा गाडेको हो । आज बिहान सकिएको उक्त वडाको मतगाण्नाको अन्तिम परिणाम अनुसार , उनका निकटतम प्रतिद्धन्द्धी नेपाली काँग्रेसका उम्मेदवार महेश्वरलाल महत्तोलाइ १९९ मत अन्तरले पराजित वडा अध्यक्षमा चौरसिया निर्वाचित भएका हुन् ।
चौरसियाले ९८३ मत पाउदा काँग्रेसका महत्तोले भने ७८४ मत पाएका छन् । निवर्तमान वडाअध्यक्ष एंव नेकपा एमालेका उम्मेदवार प्रधुम्न सेढाइ भने ५६१ मतका साथ तेश्रो स्थानमा सिमित हुन पुगेका छन् । २०७४ को निर्वाचनमा चौरसिया , निवर्तमान वडाअध्यक्ष सेढाइसंग १७२ मतले पराजित भएका थिए ।
पटक(पटक वडा अध्यक्ष बनेका नेकपा एमालेका उम्मेदवार प्रद्युमन प्रसाद सेढाई र कांग्रेसका उम्मेदवार महेश्वर लाल महतोलाई पराजित गर्दै यस पाली अजय चौरसिया वडा अध्यक्षमा निर्वाचित भएका हुन् ।
अहिले सम्म २१ ओटा वडाहरुको नतिजा आइसकेको छ र ११ ओटा वडाहरु को आउन बाखी रहेको छ । अहिले सम्म जसपाले ९ ओटा वडाहरु जितेको छ भने नेपाली काग्रेसले ७ ओटा वडाहरु जितेको छ र नेकपा एमलेले ४ ओटा र लोसपाले एउटा जितेको छ ।
