वीरगञ्ज, २६ फागुन । प्रधानमन्त्री शेर बहादुर देउवा आज (बिहिवार) वीरगञ्ज आएका छन् ।
नेपाल घरेलु तथा साना उद्योग महासंघको २५ औँ राष्ट्रिय महाधिवेशन तथा २२ औँ राष्ट्रिय महिला उद्यमी सम्मेलनको उद्घाटन गर्न प्रमुख अतिथीको रुपमा प्रधानमन्त्री देउवा आज वीरगञ्जमा आएका हुन् ।
आज र भोली वीरगञ्जको नगर सभागृहमा हुने महाधिवेशन तथा सम्मेलनमा प्रमुख अतिथीको रुपमा नेपाली काङ्ग्रेसका सभापतिसमेत रहेका देउवा आज वीरगञ्ज आएका हुन् ।
नगर सभागृहमा हुने महाधिवेशनअघि देउवाको वीरगञ्जस्थित लर्डस् दियालोमा कार्यकता भेटघाट तथा प्रमाण पत्र वितरण कार्यक्रम रहेको छ ।
आज दिउँसो १ बजे नगर सभागृहमा महाधिवेशन तथा सम्मेलनको देउवाले उद्घाटन गर्ने कार्यक्रम छ ।