HamroNepalDainik.com
समाचार

थप २४ जनामा कोभिड–१९ को नयाँ भेरियन्ट ओमिक्रोन संक्रमण पुष्टि

२३ पुस,

नेपालमा थप २४ जनामा कोभिड–१९ को नयाँ भेरियन्ट ओमिक्रोन संक्रमण पुष्टि भएको छ । नेपालमा पनि ओमिक्रोन संक्रमणको जोखिम दिनहुँ बढ्दै गएको हुनाले २४ थपिँदा जम्मा २७ जनामा कोरोनाभाइरसको ओमिक्रोन भेरियन्ट संक्रमण पुष्टि भएको स्वास्थ्य तथा जनसंख्या मन्त्रालयले जनाएको  छ ।
स्वास्थ्य तथा जनसंख्या मन्त्रालयले शुक्रबार दिउँसो विज्ञप्ति निकालेर पुस महिनामा गरिएको जिन सिक्वेन्सिङमा २४ जनामा ओमिक्रोन भेरियन्ट पुष्टि भएको जानकारी दिएको हो ।
२४ वटा नमुनाको जिन सिक्वेन्सिङ गर्दा सबैमा ओमिक्रोन भेरियन्ट पुष्टि भएको मन्त्रालयको भनाइ छ ।
‘पुस महिनामा संकलित जम्मा कोरोनाभाइरसका ११४६ पोजेटिभ नमुनाहरुको एस जिन स्क्रिनिङ गर्दा २५० वटामा नमुनाहरु एस जिन नेगेटिभ पत्ता लागेको छ । एस जिन नेगेटिभ पत्ता लागेकामध्ये २४ वटामा नमुनाहरुको जिन सिक्वेन्सिङ गर्दा सबै नमुनाहरुमा ओमिक्रोन भेरियन्ट संक्रमण पुष्टि भएको हो,  मन्त्रालयकी प्रवक्ता डा. संगीता मिश्राले जारी गरेको विज्ञप्तिमा उल्लेख छ ।

Related posts

सखुवा प्रसौनी गाउँपालिकामा गर्भवती महिलाहरुलाई पोषिलो आहार वितरण कार्यक्रम सम्पन्न

hamronepaldainik

बिरगंज महानगरपालिका वडा नम्बर ११ मा आईतबार देखि ४५ दिने कम्प्युटर लेखा सम्बन्धी तालिम शुरु

hamronepaldainik

वीरगंजलाई राजधानी नबनाइएकाे विराेधमा पर्सामा आन्दाेलन सुरु

hamronepaldainik
HamroNepalDainik