HamroNepalDainik.com
समाचार

जाजरकोट बस दुर्घटनाका १५ जना घाइतेलाई नेपालगञ्ज पठाइयो

१२ मंसिर, सुर्खेत । जाजरकोटमा भएको बस दुर्घटनाका १५ जना घाइतेलाई थप उपचारका लागि नेपालगञ्ज पठाइएको छ ।

गम्भीर घाइते भएका तीन जनासहित ६ जनालाई हेलिकप्टर र मध्यम अवस्था भएका ९ जनालाई एम्बुलेन्समार्फत लगिएको जिल्ला प्रहरी कार्यालय जाजरकोटका प्रमुख डीएसपी मधुकुमार थापाले जानकारी दिए ।

डीएसपी थापाका अनुसार सुर्खेतबाट नेपाली सेनाको हेलिकप्टर मगाएर घाइतेहरुलाई नेपालगञ्ज लगिएको हो । दुर्घटनामा परी घाइते भएका १२ जना सामान्य उपचारपछि डिस्चार्ज भएका छन् ।

नेपालगञ्जबाट जाजरकोटको कालीमाटीतर्फ जाँदै गरेको ना ६ ख २७५७ नम्बरको बस आइतबार बिहान साढे २ बजेतिर जाजरकोटको भेरी नगरपालिका–१३ बराहचौरमा दुर्घटना भएको थियो ।

दुर्घटनामा परी पाँच जनाको मृत्यु भएको छ । २९ जना घाइते भएका छन् । दुर्घटनास्थल जाजरकोट सदरमुकामबाट करीब ११ किलोमिटर पश्चिममा पर्दछ भने बस सडकबाट करीब २०० मिटर तल खसेको छ ।

तीव्र गति र बाक्लो हुस्सुका कारण बस दुर्घटनाको भएको डीएसपी श्रेष्ठले बताए । ‘बस तीव्र गतिमा आएको, बाक्लो हुस्सुले गर्दा अगाडि नदेखिएपछि मोड्मा दुर्घटना हुन भएको प्राराम्भिक अनुसन्धानबाट खुलेको छ,’ उनले भने । साभार onlinekhabar

Related posts

को–अपरेटिभ म्यानेजर्स क्लब, पर्साको कार्यक्रममा २२ महिला सहित १०१ जनाले गरे रक्तदान

hamronepaldainik

कलैयामा सोमवारदेखि भौतिकरूपमा कक्षा सञ्चालन

hamronepaldainik

मंसिर १७ देखि स्थानीय तहको केन्द्रमा पनि मतदाता नामावली संकलन

hamronepaldainik
HamroNepalDainik