वीरगञ्ज, १० चैत ।
प्राइम कमर्सियल बैंक लिमिटेड बिरगंज शाखाले रामकुमार महाविर प्रसाद केडिया आँखा अस्पताल परवानीपुरलाई २ थान खानेपानीको स्टिल ट्यांकी सहयोग गरेको छ ।
सामाजिक उत्तरदायित्व निर्वाह गर्दै बैंकले १ हजार लिटर क्षमताको २ वटा खानेपानी ट्यांकी केडिया आँखा अस्पतालका सल्लाहकार समितिका रमेश कुमार केडिया, मेडिकल डाइरेक्टर नितिन तुलस्यान, प्रशासनका प्रकाश कुमार वर्मा, लेखाका श्रीकान्त प्रसाद कानुलाई हस्तान्तरण गरिएको हो ।
बैंकका मधेश प्रदेशका प्रमुख बुधीराज बराल र मधेश प्रदेशका सहायक प्रमुख भास्कर मल्ल, वीरगञ्ज शाखा प्रबन्धक मेघनाथ सोनार , कर्जा अधिकृत नरेश कुमार शर्माको उपस्थितिमा ट्याकी हस्तान्तरण गरेका थिए ।