वीरगंज , पर्सा
पर्सा जिल्लाकाे बिभिन्न सिमा नाकाबाट तसकरी फस्टाएको छ । वीरगंज सहित बिभिन्न ग्रामिण भेगकाे अधिकांश नाकाहरुबाट पहिला भन्दा अहिले तस्करी बढेकाे प्रत्यक्षदर्शीहरुले वताएका छन् ।
सिमा क्षेत्र मा रहेका सशस्त्र प्रहरी तथा नेपाल प्रहरीले तस्करहरुलाई छुट दिएपछि सिमा क्षेत्रमा अहिले व्यापक तस्करी बढेको हाे । सिमाना क्षेत्रमा खटिने सस्त्र प्रहरी, नेपाल प्रहरीका चौकी ईन्चार्जहरुको सेटिङमा तस्करीकाे लाइन खुलेकाे हाे ।
पर्साको सिमावर्ती अलाैं, विन्दवासिनीकाे झाैवा, इटियाही, अमरपटी, प्रसाैनी भाठा, पकहा मैनपुरकाे धाेरे, खेस्राहा, छिपहरमाईकाे भिस्वा, भलुवहिया, मिर्जापुर, टिहुकी, चारगाहा लगायतकाे नाका भएर तस्करी फस्टाएको स्थानियहरुले वताएका छन् । भारतीय बजार रक्साैल, भेलाही, सिकटा, मैनाटार, भलुवाहा , सिश्वा बजारबाट सशस्त्र प्रहरी र नेपाल प्रहरी कै मिलोमतोमा कुखुराका चल्ला, कपडा, हार्डवेयरकाे सामान, कस्टमेटिक, रजनीगन्धा, राजनिवास, सुर्ती, चिनी, अण्डा, तेल, भाडाकुडा, लगायतका भारतिय समानहरु नेपाल भित्री रहेका छन् ।
त्यसैगरि नेपालबाट भारत तर्फ डिजेल, पेट्रोल, केराउ, माेटर, सुपाडी, रक्सी, कबाडकाे सामान, ड्राम, युनिलिबर कम्पनीका कस्टमेटिक समान भरततर्फ निकासी भईरहेको छ । यस मध्ये सब भन्दा बढी पेट्राैलियम पदार्थकाे तस्करी भारत तर्फ भइरहेकाे प्रत्यक्षदर्शीहरुले वताएका छन् । विशेष गरेर सांझ र विहानकाे समयमा तस्करी भइरहेकाे प्रत्यक्षदर्शीहरुले वताएका छन् ।