HamroNepalDainik.com
समाचार

वडाध्यक्ष गौरोद्वारा छात्राहरुको लागि सेनेटरी प्याड वितरण

वीरगन्ज (पर्सा), २ माघ

पर्साको पर्सागढी नगरपालिका वडा नं. ९ वडा कार्यालयले छात्राहरुको लागि २ सय थान सेनेटरी प्याड वितरण गरेको छ । नगरपालिकाको वडा नं. ९ स्थित रहेको श्री नेपाल राष्ट्रिय माध्यमिक विद्यालय बडेर्वाका प्रधानाध्यापक चेतमन प्रसाद दासलाई वडाध्यक्ष रामनारायण प्रसाद गौरोले एक कार्यक्रमबीच हस्तान्तरण गरेका हुन् ।

बढ्दो चिसोको बेला छात्राहरुलाई महिनावारी आएपछि विद्यालय आउनमा समस्या हुने गरेकोलाई मध्यनजर गर्दै कक्षा ८ देखि १० सम्मका छात्राहरुको लागि उक्त सेनेटरी प्याड वितरण गरिएको वडाध्यक्ष रामनारायण गौरोले जानकारी दिए ।

वडाध्यक्ष गौरोका अनुसार महिनावारीको कारण चिसोको समयमा विद्यालयमा छात्राहरुको उपस्थिति कम हुने गरेकोले त्यसलाई मध्यनजर गर्दै छात्राहरुको अध्ययनमा प्रभावित नहोस् भन्ने उद्देश्यले विद्यालयमा छात्राहरुको लागि सेनेटरी प्याड वितरण गरिएको बताए । ग्रामीण भेगका कतिपय छात्राहरुको गरिबी अवस्थाका कारण सेनेटरी प्याड किन्न नसक्ने भएकोले तिनीहरुले घरमा पनि लैजान पाउने उद्देश्यले वितरण गरिएको र पुनः चाहिएको अवस्थामा अझै उपलब्ध गराईने उनको भनाई छ ।

Related posts

नारायणी अस्पतालका डाक्टरलाई हातपात गर्नेलाइ कारबाही गर्न चिकित्सक संघको माग

hamronepaldainik

वीउवासंघको ४७ औं वार्षिक साधरणसभा सम्पन्न

hamronepaldainik

बिन्दबासिनी गाउँपालिकाको १३ औं गाउँसभा : ३१ करोड ३० लाख बराबरकाे बजेट प्रस्तुत

hamronepaldainik
HamroNepalDainik