वीरगञ्ज,पर्सा
वीरगञ्जको छपकैयाँमा रहेको मदरसा बरकतुल उलूमका बालबालिकालाई न्यानो कपडा बितरण गरिएको छ ।
इक्ना रिलिफ क्यानडाको आर्थिक सहयोग र स्वास्थ्य सेवा तथा उद्दार संघ नेपाल काठमाण्डौको पहलमा बरकतुल उलूममा रहेका ६० जना बालबालिकालाई ब्लांकेट र सल उपलब्ध गराइएको हो ।
चिसोका कारण बालबालिका प्रभावित भएकाले उनीहरुलाई ध्यानमा राख्दै न्यानो कपडा उपलब्ध गराइएको कार्यक्रम संयोजक साकिब अंसारीले जानकारी दिए ।
मदरसा बरकतुल उलुमका सदर मद्दरिस मुफ्ती अयुबको सभापतित्वमा भएको कार्यक्रममा वडा नं ३ का वडा अध्यक्ष बैजुलाल स्वर्णकार, मदरसा बरकतुल उलुमका काेषाध्यक्ष कलाम ठकुराइ , पूर्व सचिव अब्बास मंसुरी, खैरूदिन हवारी ,समाजसेवी जैनुदिन मंसुरी, जाजुल हवारी, बसरूदिन मंसुरी लगाएतकाे उपस्थिति रहेको थियो ।
