HamroNepalDainik.com
राष्ट्रियसमाचार

९५ लाख नगदसहित नागढुंगा बाट दुई भारतीय नागरिक पक्राउ

काठमाडौं । स्रोत नखुलेको ९५ लाख नगदसहित दुई भारतीय नागरिकलाई प्रहरीले नागढुंगाबाट पक्राउ गरेको छ । शनिबार चितवनबाट काठमाडौं आउँदै गरेको यात्रुबाहक बसमा प्रहरीले चेकजाँच गर्दा दुई जना भारतीय नागरिकबाट स्रोत नखुलेको ९५ लाख नगद भेटिएपछि पक्राउ गरेको हो ।

ग१ख ६६४५ नम्बरको यात्रुबाहक बसमा उनीहरु चितवनबाट काठमाडौं आउँदै थिए । पक्राउ पर्नेमा भारत मुम्बई महाराष्ट्र प्रदेश सङ्ली जिल्ला थाना घर भएका २६ वर्षीय सागर माली र १९ वर्षीय कुष्ण अढाडे छन्।

प्रहरी प्रभाग नागढुंगाबाट खटिएको टोलीले मालीको साथबाट ४५ लाख र अढाडेको साथबाट ५० लाख रुपैयाँ बरामद गरेको छ ।

स्रोत नखुलेको रकम (हुण्डी कारोबार)सहित पक्राउ परेका दुवैलाई कारबाहीका लागि राजश्व अनुसन्धान विभाग र सम्पत्ति शुद्धीकरण अनुसन्धान विभागमा पठाउने तयारी गरिएको छ ।

Related posts

अनेरास्ववियु पर्साको जिल्ला सचिवमा पवन यादव चयन

hamronepaldainik

इन्धनको मूल्य बढ्यो, अब ग्यास सिलिन्डरको १५७५ रुपैयाँ

hamronepaldainik

अनधिकृत परीक्षा दिइरहेका ८२ विद्यार्थीको उत्तर पुस्तीका महानगरले लियो नियन्त्रणमा

hamronepaldainik
HamroNepalDainik