६ वैशाख,वीरगञ्ज । पर्सा प्रहरीले वीरगञ्जस्थित पम्पम बिलडिङको गोदाममा छापामारी गरि ठूलो मात्रामा तस्करीका कपडाहरु बरामद गरेको छ ।
भारतबाट भन्सार छली गरि ल्याइ भण्डारण गर्ने गोदाममा बिहिवार प्रहरीले छापामारी गरेको हो । वीरगञ्जको महाविरस्थान नजिकै रहेको पम्पम बिलडिङ्मा तस्करीका कपडाहरु भण्डार गरि राखीएको गोदाममा छापामारी गरिएको पर्सा प्रहरी प्रमुख कुमोध ढुंगेलले पुष्टि गरे ।
उनका अनुसार विशेष सूचनाको आधारमा छापामारी गरी पम्पम बिलिडङका विभिन्न गोदाममा भण्डार गरिएका करोडौं मूल्य बराबरको कपडाहरु बरामद भएको हो ।
पम्पम बिलडिङको भवनमा रहेको विभिन्न गोदामबाट सुट, पाइन्ट, कुर्ता, सुरुवाल, साडीसहितका धेरै मात्रामा कपडा बरामद भएको हो ।
विभिन्न कपडा व्यापारीहरुले तस्करी गरी मगाउने कपडा सोही गोदाममा भण्डारण गर्ने गरेको प्रहरीको प्रारम्भिक सोधविनमा पाइएको छ ।
अहिले छापामारी जारी रहेकोले यकिन विवरण आउन बाँकी रहेको प्रहरीको भनाइ छ । ५ तल्ले पम्पम बिल्डिङको पूरै भवनलाई प्रहरीले घेरेर छापमारी गरिरहेको छ ।