पर्सा । वीरगंजको नगवामा एक युवकको शव फेला परेको छ । वीरगंज महानगरपालिका वडा नं. १६ नगवाको नयाँ बस्ती बस्ने ३० वर्षीय नजिम मियाँको शव फेला परेको हो ।
बुधबार(आज) करिब ८ बजे नगवाको बाईपास रोड नजिकै रहेको नेपाल खानेपानी संस्थानको पश्चिमतर्फ सडक किनारामा युवकको शब फेला परेको पर्सा प्रहरीले जनाएको छ ।
मृतक नजिमलाई चोट पटक केही नदेखिएकोले मादक पदार्थ सेवन गरि लडेर मृत्यु भएको हुन सक्ने प्रहरीले जनाएको छ । मृतकको शब पोष्टमार्टमको लागि नारायणी अस्पतालमा पठाइएको छ ।