वीरगञ्ज, ६ माघ । नेपाल विद्यार्थी संघ ठाकुरराम बहुमुखी क्याम्पस ईकाई कमिटीले आन्दोलनका कार्यक्रम सार्वजनीक गरेको छ ।
हरिखेतान क्याम्पसमा ७ बुँदे मागसहित ३ दिने अल्टिमेटम दिँदा पनि क्याम्पस प्रमुख डा. भगवान प्रसाद यादवले कुनै वास्ता नगरेको भन्दै यस्तो गैर जिम्मेवार पुर्ण रवैयाको भणडाफोर गर्न र हरिखेतान बहुमुखी क्याम्पसलाई सुशासन र सहि बाटोमा ल्याउन एक भ्रष्ट र हैकमवादी चित्रण रहेको प्रमुखको विरुद्ध नेवि संघले आन्दोलनका कार्यक्रम सार्वजनीक गरेको हो । बिहिवार नेपाल पत्रकार महासंघमा पत्रकार सम्मेलन गर्दै नेविसंघले शुक्रवार देखि १२ गतेसम्मका लागि चरणबद्ध आन्दोलनका कार्यक्रम सार्वजनीक गरेको हो ।
नेविसंघ ठाकुरराम ईकाई कमिटीका अध्यक्ष मनोज कुमार साह द्वारा प्रस्तुत विज्ञप्तीमा उल्लेख भए बमोजिम भोली माघ ७ गते शुक्रवार हरिखेतान क्याम्पसको मुल गेटमा १ घण्टा धर्ना दिइने कार्यक्रम छ ।
यस्तै ९ गते आइतवार सञ्चालक समितीका सदस्यहरुलाई ज्ञापन पत्र बुझाउने र छलफल गर्ने, १० गते पर्सा जिल्लाका पार्टी सभापतिहरुलाई ज्ञापन पत्र बुझाउने, ११ गते घण्टाघरमा हस्ताक्षर अभियान सञ्चालन गर्ने १२ गते प्रधानमन्त्री, शिक्षा मन्त्री, प्रमुख जिल्ला अधिकारीलाई फोन मार्फत म्यासेज पठाउने र अन्तिममा शिक्षा मन्त्रीलाई प्रत्यक्ष भेटी ज्ञापन पत्र बुझाउने कार्यक्रम तय भएको नेबि संघका अध्यक्ष साहले जानकारी गराए ।
साहले क्याम्पस प्रमुख डा. यादवले अभिभावक र कानुनलाई आफ्नो गोजीको पेवा बनाएर मनोमानी ढंगले क्याम्पस सञ्चालन गरीरहेको विज्ञप्ती मार्फत आरोप लगाए।