वीरगञ्ज, ३ मंसिर । नेपाली कांग्रेसको १४ औं महाधिवेशन अन्तर्गत पर्सा जिल्लास्थित बिरगंज महानगरपालिका वडा नं. ८ को बुथ सभापतिमा रितेश कुमार गुप्ता विजय भएका छन् ।
बिहिबार सम्पन्न वडा अधिवेशनमा गुप्तालाई सर्वसम्मतबाट बुथ सभापतिमा चयन गरिएको हो । बिरगंज महानगरपालिका वडा नं. ८ स्थित पदम पार्टी प्यालेसमा आयोजित अधिवेशनमा कांग्रेसका क्रियाशील सदस्यहरुको उपस्थितिमा गुप्तालाई सर्वसम्मतबाट बुथ सभापति चयन गरिएको निर्वाचन अधिकृतले जानकारी दिए ।
गुप्ताको नेतृत्वमा गठन भएको वडा समितिको उपस्थितिमा ईशवर श्रेष्ठ, राजु गुप्ता, भोला कलवार, छोटेलाल कहर, गफार हावारी, कनहैया ठाकुर, राजीव गुप्ता, रबिन्द्र ठाकुर, बिन्दु थापा, निला राम, मुकेश गुप्ता, अरमाण अली, रहेका छन् । बुथ सभापतिमा विजयी गुप्ता राजनीतिको पृष्ठभूमि बोकेका व्यक्ति हुन् । उनले लामो समयसम्म विकास र सामाजिक क्षेत्रमा पनि काम गरेका छन् । गुप्ता लामो समयदेखि वीरगञ्ज भित्र बसेर सामाजिक र राजनीतिक कार्यमा सक्रिय छन् ।