१२भदौं वीरगन्ज, वीरगन्ज जेसीज वर्ष २०२५ का अध्यक्ष सरोज चौरसिया एसिया प्यासिफिक विकास परिषदको डेभलपमेन्ट अफिसरमा नियुक्त भएका छन् । नेपाल जेसीजको सिफारिसमा चौरसिया एसिया विकास परिषदको डेभलपमेन्ट अफिसरमा नियुक्त भएका हुन् ।
एसिया प्इासिफिक परिषद , जेसिआइ वल्र्ड अन्तर्गत एसिया प्यासिफिकमा पर्ने देशहरुको साझा संगठन हो ।परिषदको अध्यक्ष मंगोलिलयाका जेसीज अभियन्ताले गरिरहेका छन् भने सचिवालय जेसीआइ जपान अन्तर्गत रहेको छ ।
यस भन्दा पहिले परिषदको सदस्यमा प्रायजसो जेसीजका रास्ट्रिय पदाधिकारीहरु मनोनित हुने गरेकोमा जेसिआइ नेपाल अन्तर्गत कुनै शाखा अध्यक्ष (वीरगन्ज शाखाका अध्यक्ष चौरसिया) पहिलो पटक मनोनित भएका हुन् । वीरगन्ज जेसीजको ५२ वर्षको इतिहासमा अन्तर्राष्ट्रिय पदमा मनोनित हुने चौरसिया पहिलो व्याक्ति पनि हुन् ।
एसिया प्यासिफिक विकास परिषदमा विभिन्न उपसमुहहरु रहेकामा चौरसिया म्यानमार र श्रीलंकाको समुहमा रहेका छन् । पहिलो चरणमा एसिया प्यासिफिक विकास परिषदले आफ्नो सदस्यहरुलाई समय समयमा जेसिआइ अभियानलाई अझै बलियो र शाखा विस्तारको निम्ति तालिम र निर्देशन दिदैं दिने र ती उपसमुहका टोलीहरुले आफुले पाएको जिम्मेवारी अनुरुप विभिन्न एसियाली मुलुकहरुमा गई त्यहाँका स्थानिय जेसीज शाखाका सदस्यहरुलाई तालिम दिने र नयाँ शाखाहरु खोल्न अभिप्रेरित गर्ने बताइएको छ ।
वर्ष २०२६ को अन्त्य सम्म अध्यक्ष चौरसिया ताइवान , टुनिसिया , मलेसिया, जापान , म्यान्मार, श्रीलंका लगायतका देशहरुको भ्रमणमा रहने बतायएको छ ।