काठमाडौँ। नक्कली शैक्षिक प्रमाण पत्र लिएको आरोपमा प्रहरीले थप एक जनालाई पक्राउ गरेको छ ।
केन्द्रीय अनुसन्धान ब्युरो सिआइबीले काठमाडौँबाट थप एक जना चिकित्सकलाई पक्राउ गरेको सिआइबीका एसपी नवराज अधिकारीले जानकारी दिए ।
उनका अनुसार सुमेरू सिटी हस्पिटलकी डा. पुनम थापा चौधरी पक्राउ परेकी हुन् । उनलाई काठमाडौँस्थित घरबाट पक्राउ गरेको हो ।यसरी पक्राउ पर्नेको सङ्ख्या ८ पुगेको छ ।
सिआइबीले मोरङ क्षेत्र नम्बर ३बाट निर्वाचित काङ्ग्रेस सांसद सुनिल शर्मालाई पनि पक्राउ गरेको छ । डा. रामबाबु यादव, डा. रञ्जित यादव, डा. एलिना साह, डा. अमित चौधरी, डा. श्रद्धा शिल्पकार र डा. मनित चौधरी पनि पक्राउ परेका छन् ।
सिआइबीले फक्सट्रट चार्ली अपरेसन देशभरि चलाएर नक्कली शैक्षिक प्रमाणपत्र लिने चिकित्सकहरूलाई पक्राउ गरिरहेको हो ।